Département de langue et Culture Amazighes

Permanent URI for this collection

https://dspace.ummto.dz/handle/ummto/1905

Browse

Browsing Département de langue et Culture Amazighes by Author "ACHOURI, Nora"

Now showing 1 - 1 of 1
  • Thumbnail Image
    Item
    L’analyse syntaxique et lexicale des textes journalistiques de la Radio de Boumerdes
    (Université Mouloud Mammeri de Tizi-ouzouا, 2016) MANSOURI, Hocine; ACHOURI, Nora
    Merra tutlayin n umaḍal ssenfalayen-t-d ɣef tmeddurt n wegdud itt-yettmeslayen, ayen yettbeddilen deg-s yekka-d seg unegmu n tusniwin timaynutin ladɣa tatiknulujit tamaynut. Gar tutlayin-agi ad d-naf tamaziɣt, d tutlayt tanaṣlit n yigduden imaziɣen n Tefriqt n ugafa seg umda n Siwa di Maṣer alama d tigzirin tikanariyin deg ugraw n Latlantik. Tamaziɣt teqqim deg timawit aṭas leqrun, maca deg iseggasen-agi ineggura teffeɣ-d seg timawit ɣer tira, imi tuget n yimusnawen refden imru akken ad arun deg yiḥricen yemgaraden n tutlayt-a, gar-asen: Lmulud AT MƐEMMER, Boulifa, AIT ƐEMRAN, ƐELIC RACID…atg. Deg usexdem-agi-nneɣ, ne=reḍ ad nexdem tazrawt tasnalsit ɣef tutlayt n tmaziɣt i yettusxedmen di ttawilat n yisalan deg umaṭṭaf n Bumerdas. Ilmend n way-agi nhegga-d yiwen uɣawas n uxeddim i yebḍan ɣef sin n yiḥricen: Aḥric amenzu newwi-t-id ɣef umawal, nejme=-d akk kra yellan d ugur ssebba lexṣaṣ n umawal ara yilin d asagem i yal aneɣmas, imi yal yiwen yettaru akken yeffeɣ fell-as lexṣaṣatagi ttɣumun-ten s wawalen ireṭṭalen si tutlayt n te=rabt neɣ n trumit, daɣen sqedcen ayen iwumi qqaren asidef n yireṭṭalen (l’integration de l’emprunt).Areṭṭal n wawal iḥuza akk tutlayin n umaḍal. Dubois. J, yenna-d awal amerḍil “d asemres n wawalen iberraniyen di tutlayt,maca awalen-agi ur d-kecmen ara ɣer tutlayt armi yella lexṣaṣ deg umawal n tutlayt nniḍen”. Tuget n yireṭṭalen kkan-d si ta=rabt d tefransist, ineɣmasen n radyu n Bumerdas suɣulen-d iḍrisen si tutlayt (ta=rabt, tafransist) awal s wawal dɣa yettbeddil unamek-nsen. Awalen imaynuten i yerran tifrat i waṭas n tlufa ye=nan awalen ur teksib ara tmeslaytnneɣ, neɣ tasnulfumawalt (néologie) ; d asnulfu n wawalen ijdiden, yettili-d d asileɣ n tayunin timaynutin ama deg unamek neɣ deg talɣa. Azgen n wawalen imaynuten i ssemrasen ineɣmasen kkan-d seg umawal n tmaziɣt tatrart n Mulud M=emri. Deg wamud-nneɣ nufa-d aṭas n wawalen imaynuten, gar-asen: Amedya: - Aɣelnaw……………National Llan kra n wawalen ulac-iten deg umawal n tmaziɣt tatrart, d ineɣmasen i ten-idyesnulfayen, acku ttiḥwiǧen-ten di tira n yeḍrisen-nsen. Deg wamud-nneɣ nufa-d aṭas n wawalen, gar-asen: Amedya: - Amejjay……………Médecin Tasnulfawalt n talɣa tettili-d s tmerna n kra n yiferdisen i uẓar yellan di tutlayt (asuddem, asuddes). Ssemrasen daɣen iwumi qqaren arwas asnilsi (Calque linguistique), d awalen imaynuten akked tsuqilt awal s wawal i d- yettawin arwas asnilsi (calque linguistique) d awal areṭṭal i d- yettwasuqlen si tutlayt nniḍen yebḍa ɣef 05 n yinawen: Arwas asnamkan (Calque sémantique): d asuɣel n unamek i yellan di tutlayt taberranit ɣer tutlayt-nneɣ s wawalen ineṣliyen n tutlayt. Arwas asnalɣay (calque morphologique): Arwas asnalɣay yettban-d mi ara d-nessuɣul awal s wawal. Ineɣmasen n Rradyu tikwal ssuɣulen iḍrisen n yisalan awal s wawal, ɣef way-a i dyettili usexleḍ deg unamek d ayen i yeǧǧan izen ur yettaweḍ ara akken iwata ɣer yimsefliden. Arwas aseddasan (calque syntaxique): Arwas n umawal d unamek (Calque lexico-sémantique): Ineɣmasen tikwal semrasen kra n wawalen i d-ttawin ama si ta=rabt neɣ si tefransist mačči deg unamek-nsen iwatan di teqbaylit. Amedya: - Timzizliyin yemxalafen. Awal-agi « yemxalafen » anamek-is di teqbaylit « amennuɣ = conflit et de désaccord », ineɣmasen fkan-as anamek n « umgarad ». Arwas s usenfali (Calque d’expression) : D tasuqilt ixedmen imenfaliyen, dayen i yettbeddilen anamek di tutlayt-nneɣ. Ineɣmasen ttawin-d arwas akken yella di tutlayin nniḍen (ta=rabt, tafransist). Deg yixf-agi, nemla-d amek ineɣmasen semrasen s tuget, awalen ireṭṭalen, awalen imaynuten d warwasen isnilsiyen acku aṭas deg-sen ttxemimen s tutlayt n te=rabt neɣ s tefransist maca ttarun s tutlayt taqbaylit. Ineɣmasen ttawin-d isalan si tutlayin nniḍen (ta=rabt neɣ tafransist), ssuɣulen-ten-id akken llan ɣer teqbaylit awal s wawal ɣef waya i yettbeddil unamek. Asexdem n "l’inerference" d win yettbanen deg umagrad n ta=rabt neɣ n trumit d leɣlaḍ ye=nan asexdem n tewsit. . Deg uḥric wis sin, nesleḍ kra n yiḍrisen n yisalan i yuran yineɣmasen n radyu n Bumerdas, di tazwara nefka-d tibaduyin yes=an assaɣ akked tseddast, syin akkin nejme=-d merra tucḍiwin d wuguren id d-nmugger, ne=reḍ nessefhem-itent-id d acu-tent, syin akin neseɣti-tent, ladɣa nufa-d tucḍiwin ye=nan asemlal neɣ asdukkel ayen iyerran iḍrisen-agi d iẓayanen ɣer wemseflid d unamek-nsen ur nettwafhem ara. Deg yixef-agi, mi nexdem tasledt nufa-d aṭas n tuccḍiwin deg wayen ye=nan taseddast, acku ineɣmasen ur ṭṭefaren ara ilugan n tseddast, iswi-nsen ad ssiwḍen izen i yimesfliden. Nessarem tuccḍiwin-agi ur d-ttuɣallent ara, acku zemrent ad snegrent tutlayt. - Ineɣmasen deg yeḍrisen-nsen sexdamen s tuget awalen (“d win”, “d tin”,“d wid”),maca mačči deg umḍiq iwatan, acku segzayen-d iyi-s isem-nni yettilin uqbel ttalsen t-id d anwa, yerna ur ise==u ara assaɣ d uḥric-nni nniḍen n tefyirt. - Amernu “aṭas” nessemras-it d wayen ur nezmir ara ad t-nektil. - “S waṭas” neqqar-it ɣef kra n wayen nezmer ad t-nektil. - Tikwal ineɣmasen rennu-as tanzeɣt “s” i umernu “aṭas” anda ur nlaq ara, acku ur ẓrin ara amgired yellan ger-asen Iswi n yineɣmasen mi ara suqulen iḍrisen-nsen, ad d-ssawḍen izen ɣer yimsefliden, iswi-agi yuwi-d ugur i tutlayt n tmaziɣt (taqbaylit), acku ttwalin kan amek ara ssiwḍen tiktinsen maca ur ttwalin ara s ways ara tt-ssiwḍen meḥsub ɣer yilugan n tutlayt, nezmer ad d-nini ɣef way-a tutlayt n yineɣmasen tettačar d tucciḍin ama di tseddast ama deg umawal. Di tagara n uxeddim-nneɣ nessaweḍ ad d-nbeggen belli ineɣmasen n radyu n Bumerdas ur s=in ara tamusni izaden di tutlayt n tmaziɣt acku, tutlayin nniḍen ɣelbent tutlayt n tmaziɣt labe=da ta=rabt. Tifrat i wugur-agi kra yellan d arwasen yewwi-d as-d-naf ttawil iwakken ad taf tmeslayt-nneɣ anda ara d-agem, maci d asenned ɣer tsuqilt.