TUGNA N TMEṬṬUT DEG UNGALEN N ZOHRA AOUDIA « TIZIRI » D TADIST YETTWANEƐLEN
| dc.contributor.author | Aidoud Nabila | |
| dc.contributor.author | Aggar Djamila | |
| dc.date.accessioned | 2024-07-22T09:17:27Z | |
| dc.date.available | 2024-07-22T09:17:27Z | |
| dc.date.issued | 2023 | |
| dc.description | 59 p.; 30 cm. (+CD-Rom) | |
| dc.description.abstract | Deg tezrawt-nneɣ i yellan ddaw n usentel Tugna n tmeṭṭut deg ungalen, Tiziri d Tadist yettwaneԑlen, nessaweḍ nerra-d ɣef yisteqsiyen i d-nefka deg tezwart-nneɣ anda i d-nemmeslay ɣef tsekla yuran d kra n yinagalen d tnagalin yuran di tallit tamirant, nessaweḍ nefka-d tibadutin i ungal d tullist akked umgired yellan gar-asen. Nessaweḍ nesleḍ-d s tarrayt d tiẓri n Gilbert Durand tugniwin n tmeṭṭut deg ungalen n Zohra Aoudia anda i d-nufa tameṭṭut d tin isebbren i yir tudert, ddel d tmuḥqranit, ladɣa lbaṭel n urgaz, d usegrireb deg lecɣal n uxxam d wid n berra... Dacu kan tuɣal tettaɛraḍ ad tbeddel liḥala i deg ḥettment fell-as leɛwayed d wansayen n tmetti taqbaylit. Anect-agi d ayen i d-yettbanen s waṭas deg wungalen-agi, ma nemmeslay-d ɣef wungal, Tiziri tameṭṭut s uwadem Tiziri d tin ur nesɛi azal, ur as-fkin ara izerfan-is, dima tessenfalay-d leḥzen-is s usḥisef d llum ɣef tmetti i yal tikelt ur as-neǧǧi ara ad taweḍ iswan-ines. Seg tama nniḍen, xas tameṭṭut tettwaḥqar maca tesɛa assirem ɣer sdat. Γer taggara n wungal tettmeslay-d s yisem n tmeṭṭut i yewwḍen γer yiswi-ines d wayen tessaram. Seg teqcict yettwaḥeqren umi truḥ tudert-is. Yella-d mgal immal-is d lferḥ-is srid γer tmeṭṭut tilellit i ineǧren abrid-is deg tmusni imi tewweḍ tewwi-d akayad n lbak, ar as-yeldin tiwwura wessiɛen deg tudert-is. Ma nuɣal ɣer wungal Tadist yettwaneԑlen tameṭṭut d tin iɣef tzad leḥqara aladɣa si tama n yimawlan, tanagalt tefka tugniwin n leḥqara i uwadem Raẓan umi ttwakksen akk izerfan-is seg wasmi i d-tlul ɣer ddunit, xas ulama yerna-d uwadem agejdan Damya s tugna-agi n leḥqara lameԑna mačči d ayen idumen deg teḥkayt, akken kan i tebda tessalay-d awal-is abeɛda argaz ula d netta akken i yebda yettxemmim d akken ula d nettat d amdan tesɛa izerfan am netta. Nufa-d abeddel ameqqran di liḥala n tmeṭṭut imi argaz ibedd ɣer yidis-is dɣa ula d nettat tessaweḍ tbeggen-d iman-is tewweḍ ɣer wayen i tessaram tga amkan i yiman-is deg tmetti, tameṭṭut di tmetti tatrart tuɣal tessutur izerfan-is, d ayen i tt-yeǧǧan ass-a tella deg unnar am nettat am urgaz ama di tsertit ama di tdukliwin... Deg sin wungalen-agi newweḍ nbeggen-d d akken tugna n tmeṭṭut ur d-tussi ara s yiwet n tmuɣli, yella-d umgired deg tugna ɣer tayeḍ lameԑna timetti tettwali tameṭṭut s yiwet n tmuɣli ama deg ungal amezwaru neɣ deg wis sin. Ihi ɣer tagara d wigi i d-igemmaḍ uɣur nessawaḍ deg tezrawt-agi-nneɣ, nessaram ad yili ukatay-a d win i seg ara d-sfaydin wid ara t-yeɣren akked wid ara igen tizrawin ɣer sdat yerzan isental yemxalefn. Nessaram ad d-ilint tezrawin nniḍen ɣef wungalen-a ladɣa wis sin imi ulac fell-as leqdic, d ungal i d-yeffɣen deg useggas n 2023. | |
| dc.identifier.citation | Tasekla d tsugent | |
| dc.identifier.uri | https://dspace.ummto.dz/handle/ummto/24264 | |
| dc.language.iso | other | |
| dc.publisher | Université Mouloud Mammeri | |
| dc.subject | Tasekla Taqbaylit | |
| dc.subject | Tugna n tmettut | |
| dc.subject | Zohra Aoudia | |
| dc.title | TUGNA N TMEṬṬUT DEG UNGALEN N ZOHRA AOUDIA « TIZIRI » D TADIST YETTWANEƐLEN | |
| dc.type | Thesis |