Asugen n tamagit deg ungal "Ighil d wufru" n Salem ZINYA
| dc.contributor.author | Bouarab Dihiya | |
| dc.contributor.author | Bouache Kahina | |
| dc.date.accessioned | 2024-07-21T09:38:33Z | |
| dc.date.available | 2024-07-21T09:38:33Z | |
| dc.date.issued | 2022 | |
| dc.description | 59 p.; 30 cm. (+CD-Rom) | |
| dc.description.abstract | Amahil-agi-nteɣ yella-d d tasleḍt i sentel n tmagit deg ungal n Salem Zinya ( iɣil d wufru). Salem Zinya yerra-d amennuɣ-is ɣef tmagit d usnulfu n ungalen-is, imi netta yettidir yettwali imiren yettaru ayen i yedder d wayen yessugen d iɣil d wufru, d ungal yesɛan udem n tilawt, d ayen yeḍran s wudem n uferriɣ, amzun akken yeḍra neɣ yezmer ad d-yeḍru, d ayen i as-yettaken udem n tilawt. Tabadut n tmagit deg ungal “iɣil d wufru” teqqen ɣer waṭas n temsal am; tutlayt, idles, amezruy, tuddsa n tmetti d wansayen atg... Azwel i yefren Salem zinya i ungalen-ines sɛan assaɣ d tmagit. Seg uzwel “iɣil d wufru” amyaru yebɣa ad d-yessebgen yis d akken tamagit tettwakref tettwarez s sin idisan, idis n yiɣil yelhad deg-s adabu azayri d yidis n wufru yelha-d yes rrebrab. Ma d asemres n unagel i wumi yefka azal deg yeḍrisen n ungalen-is. Afran n yismawen n yiwudam ur d-yellara kan akka, yal isem yesɛa azal-is, yusa-d deg umkan-is, akken ula d ismawen n wadeg, ismawen i d-yuder umengal llan deg tilawt, akken diɣ i d-yewwi ismawen seg tentaliyin nniḍen yessexdem-itent akken ad d-yessebgen iẓuran n tutlayt n tmaziɣt ladɣa mi iyessemres ismawen am Azwaw, Titum, Tamekyust, Malḥa i wakken ad d-ibeggen tamagit n yiwudam i d-yessemres deg ungal-ines. Yekcem umaru ula deg gama akken ad d-yessenfel tamagit deg ungal iɣil d wufru nufa-d d akken aṭas n yismawen n yiɣersiwen sɛan assaɣ d tmagit; ibaɛɛac, leḍyur, ula d imɣan. Asexdem n tenfaliyin yal ass deg ungal n Salem Zinya yesɛa asseɣ d tudert n ugdud azayri, labaɛda leqbayel i yeṭṭfen deg leɛwayed d wansayen n zik. Tiḥkayin i d-yewwi Salem Zinya deg ungal-is iɣil d wufru tettban-d d lemri n tmetti taqbaylit d tmetti tazayrit sumata, win ara tyeɣren ad yegzu iɣeblan ddren leqbayel d weɣref azayri deg tlurt-is, yettban-d usenfali n tmagit dg waṭas n temsal, ama d ayen yeɛnan taḥkayt s timmad-is d yiwudam i ddren daxel-is Salem Zinya, iswi-ines d azen i yal win ara yeɣren ungalen-is d izen n tidet yeffren tidet qessiḥen i tedder tmagit d tlelli di tmetti i deg yettidir. Tira-ines d tira n usirem, d tira i d-yettarran tafat ɣer wulawen i ɣef tesberber tebrek, yezra ɣas yekker-d waḍu ihuz tizemrin, yessekfel lqaɛa, ɛaddant lemḥani, lamaɛna adabu ur yeṣṣaweḍ ara ad yekkes tirekkaḍin n tsekla n tmaziɣt. Nessemres ad yili leqdic-nnteɣ d win ara d kemlen inadiyen nniḍen i wakken ad kemlen leqdic ɣef ungalen yura zinya acku ayen yura yuklal leqdic usnan | |
| dc.identifier.citation | Tasekla Tamazight | |
| dc.identifier.uri | https://dspace.ummto.dz/handle/ummto/24239 | |
| dc.language.iso | other | |
| dc.publisher | Université Mouloud Mammeri | |
| dc.subject | Tasekla Tamazight | |
| dc.subject | Salem ZENIA | |
| dc.subject | Angal | |
| dc.title | Asugen n tamagit deg ungal "Ighil d wufru" n Salem ZINYA | |
| dc.type | Thesis |