Département de langue et Culture Amazighes

Permanent URI for this collection

https://dspace.ummto.dz/handle/ummto/1905

Browse

Browsing Département de langue et Culture Amazighes by Subject "Amawal"

Now showing 1 - 3 of 3
  • Thumbnail Image
    Item
  • Thumbnail Image
    Item
    Tasleḍt tasnalɣamkant n umawal n usewwi aqbur ger snat temnaḍin Makuda d Meεatqa
    (Université Mouloud Mammeri, 2021) BOUKEROUCHE Lydia; BOUGRAB Sylia
    Asentel icud srid ɣer wassaɣ amatlay n wawal n usewwi aqbur n snat temnaḍin Makuda akked Maatqa, tasleḍt n tesnalɣa d unamek, nufa-d dakken timnaḍin-a d timesbaɣurin deg wayen yerzan tagla, acku mazal tilawin n temnaḍin-agi ṭfent deg tegla taqburt; annecta yessashel fellaɣ ad naf isebbiyen nettnadi melba leɛtab, dacukan yella wuggur-nniḍen imi llan yessebbiyen i yebdan ttruḥun dɣa alla isemawen-nsen kan i d-yeqqimen. Tazwart tbedd ɣef leqdic ussnan, acku tarrayt i neḍfer d tussnant, imi yal isem nexdem-asen taṣleḍt ilmend n usewwi asnalɣan (azar, tawsit, amdan), sin ɣer-s ilmend n usewir asnamkan annect-a ilmend n yimsulɣa i d-nemlal deg unnar, akked yidlisen d yisegzawalen i d-nuda i aɣ-d-yefkan afus n tallalt, akken ad naf isallen ɣef yeswwiyen nettnadi. - Yessefk fell-aneɣ ad d-nerr ɣef yisteqsiyen I d-nefka deg tazwara, anda I nettnadi ma yella umegired amutlay garsnat temnaḍin, ma yella daghen wassaɣ gar-asent. - Igemmaḍ ɣer wacu nessaweḍ, yella wassay amatlay gar snat n temnaḍin-agi, rnu ɣer waya nufa-d ismawen isewwiyen-a llan wid yellan d iḥerfiyen, llan wid yellan d uddisen akken llan daɣen yismawen d ireṭṭalen I d-yusan seg tutlayin tibaraniyin.
  • Thumbnail Image
    Item
    Tazrawt n umawal n yigalisen n tmaziɣt deg ugezdu n Tizi Wezzu
    (Université Mouloud Mammeri, 2022) AMINI Samira; ATMIMOU Soraya
    Yella umgired gar zik d tura, di timawit ɣer tira,syin ɣer-s tennulfa-d tjerrumt n Mulud MƐEMRI ɣer tama-agi aṭas n tɣawsiwin I ibeddlen deg iḥricen n tutlayt tamawalt...Ihi S umata deg ukatay-agi newwi-d tazrawt ɣef usnulfu n wawalen yettwasqedcen di tmawalt n yigalisen yuran s tutlayt tamaziɣt. Deg uḥric amenzu nemmeslay-d ɣef tbadut d umezruy n usnulfu n wawal,si tallit n 1946 armi d assa,nwala-d daɣen amek id yella usnulfu n wawalen yettwasqedcen di tmawalt n yigalissen yuran s tutlayt tamaziɣt,innawen n usnulfu,d tbadutin nsen,d wayen I d-nnan imusnawen ɣef leqdic-agi ,nwala-d acu n yilugan i ilaq ad iqader umesnulfu ilmend n usnulfu;ɣer taggara n uḥric nwala-d tiwuriwin n usnulfawal,deg-s neẓra-d acuɣer id yella usnulfu-agi,d wacu bɣan ad snulfun d amaynut ,akked wayen bɣan ad sneqsen am ureṭṭal n taɛrabt d tefransist,d usnulfu n wawalen i izemren ad uɣalen deg umkan n wawalen yettwakksen,yarna ad yemmed umawal. Aḥric wis sin d aḥric n teṣleḍṭ n talɣa n umawal n yigalisen yuran s tutlayt tamaziɣt,n wammud i d nezrew,deg-s nessemres tusniwin I d-nebder deg uḥric amenzu.Di tazwara nexdem anadi ɣef unamek n wawalen i d-nekkes di kraḍ n yimawalen:amawal amenzu d win n HADDADOU M A‹‹Dictionnaire des raciness berbére communes››,wis sin d amawal n Mouloud MAMMERI‹‹Amawal n tmaziɣt tartart››,amawal wis kraḍ d win n DALLET J.M ‹‹Dictionnaire kabyle-français›› (parlers des At Mangellat),acku tuget n wawalen,nufa-d anamek nsen deg umawal n MAMMERI M,imi awalen yettwasmersen d awalen imaynuten,sakin nwala-d ismawen imeftiyen.Asuddes d usuddem;d isem uddis I yeṭṭfen amur ameqran deg tesleḍṭ-agi s wazal n 74,30 %;iḍfer-it-id usuddim s wazal n 17,14%;ma yella d areṭṭal,d win n taɛrabt i yeṭṭuqten ɣef win n tefransist,areṭṭal n taɛrabt yeṭṭef azal n 9,55%,ma d win n tefransist yeṭṭef azal n 7,61%. Ɣer taggara n leqdic-nneɣ,nwala-d d akken amawal n yigalissen yuran s tutlayt tamaziɣt,ilaq ad yemmed,daɣen ilaq imesnulfuyen d imnadiyen ad arnun ad nadin di ccɣel-agi,acku amawal n tutlayt-nneɣ mazal-it iḥwaǧ awalen imaynuten,d ayen ara d-yefken affud iwakken ad yeddu useggem n tutlayt nneɣ akken ilaq,amahil-agi ur yesɛi ara tilisa,imi mači d ayen yettfakkan,amahil-agi mazal yeḥwaǧ anadi d usnerni-ines ,d aya i nessaram sɣur yimnadiyen n tutlayt tamaziɣt ama d anelmad, ama d aselmad,ama d win iqedcen deg usnulfu-agi.